وطنیم!بیر قاداغان دیلده سنه آند ایچیرم
آنامین سویله دیگی لایلایا من آند ایچیرم
آرازین باغلادیغی یوللارا من آند ایچیرم
سنه من آند ایچیرم...

سنی مندن آلانی توپراغینا قایتارارام
اونودولموش نیشانی بایراغینا قایتارارام
یئنه بیر خیردا بالیق ماوی دنیزدن سوز آچیر
اونو بوغماز قره سو سولدوغو گولدن گول آچیر
دنیزه بیر یول آچیر...

وطنیم!تک دئییلم سانما سسیم تئز بوغولا!
گون او گوندور کی گرک گونده مین اصلان دوغولا
ائوی ظولمون داغیلا...